Reperja Tayna prej disa muajsh është shndërruar në sensacion në industrinë muzikore shqiptare duke qenë se është ndër të vetmet artiste shqiptare që këndon këtë rrymë dhe këngët e saj “Columbiana” dhe “Shqipe” janë ndër hitet më të suksesshme të momentit.
Mirëpo teksa kënga “Shqipe” tingëllon tërësisht origjinale dhe pjesë e stilit të Tayna-s nuk mund të thuhet e njëjta gjë për klipin. Së fundmi, “Prive.al” ka vënë në dukje se videoja ku Tayna shihet duke kërcyer e vetme në një dhomë hoteli të stilit barok, është e kopjuar deri në detaje nga një video e koreografes dhe trajneres së fitnesit hollivudiane Teyana Taylor, e njohur ndryshe si muza e Kanye West.
Taylor në muajin janar ka realizuar videon në fjalë për revistën “Vogue” ku shihet duke kërcyer dhe duke u stërvitur në suitën luksoze të hotelit “Waldorf Astoria” në New York, video që mesa duket duhet t’i ketë pëlqyer pamasë regjisorit të klipit të Tayna-s duke qenë se ka kopjuar jo vetëm lëvizjet e koreografes, por edhe veshjen dhe ambientin. Shihni dhe gjykoni!
No comments:
Post a Comment