Humbëm një mik! Ndahet nga jeta politikani amerikan që luftoi shumë për Shqipërinë dhe Kosovën

Senatori amerikan John McCain ka ndërruar jetë mbrëmjen e së shtunës. “Cnn” raporton se 81-vjeçari u nda nga jeta në shtëpinë  e tij në Arizona, pranë së shoqës Cindy.



McCain humbi luftën me sëmundjen e rëndë, pasi prej më shumë se një viti u diagnostifikua me kancer në tru. Edhe përse u operua në Prill të këtij viti, ai e pati të pamundur të mbijetonte. McCain i ka shërbyer Shteteve të Bashkuara të Amerikës për disa dekada dhe kishte garuar edhe në zgjedhjet presidenciale.



Edhe krerët e vendit tonë, kanë shprehur ngushëllimet pas ndarjes nga jeta të senatorit John McCain. Presidenti Ilir Meta si dhe Kryeministri Edi Rama, e kanë cilësuar McCain si një mik të shqipëtareve, pasi ishte ndër mbështetësit kryesorë të antarësimit të Shqipërisë dhe të rajonit tonë në NATO. John McCain ishte edhe një nga mbështetësit e vendosur të çështjes së Kosovës dhe kauzës për lirinë dhe pavarësinë e saj.